Assiliisartoq: Anders Hviid

Kalaallit Nunaanni siulittaasoqatiminik oqaloqateqarnermini Søren Gadep ilaatigut eqqaavaa, Kalaallit Nunaata Danmarkillu akornanni qilerutip nukittuujunera. Ilanngullugu eqqaavaa, peqatigiinneq ineriartorteqqittariaqartoq, tamannalu Danmarkip Kalaallit Nunaatalu peqatigiillutik ingerlateqqissallugu akisussaaffigigaat.

Søren Gadep aamma inatsisartut marluk akornanni pissutsit tikippaa. “Inatsisartut Folketingillu akornanni annertunerusumik nukittunerusumillu suleqatigiittoqarnissaa pitsaasutut isigivara. Inatsisartutigoortumik politikkikkut ineriartorneq pillugu malinnaanissaq peqatigiilluta soqutigisaraarput.”

Folketingip Siulittaasoqarfiata Inatsisartut Siulittaasoqarfianik septemberip aallartisimalernerani naapitsinissaani periarfissaqarluassaaq  misilittakkanik paarlaasseqatigiinneq sammisallu ataatsimoorluni soqutiginartut pillugit oqaloqatigiissutigeqqinnissaannut.

Kim Kielsen Siumut sinnerlugu qinigaavoq, Socialdemokratinik suleqateqartoq, kalaaliullunilu politikeri misilittagartooq. Siullermik 2005-imi Inatsisartunut qinigaavoq arlaleriarlunilu Naalakkersuisunut ilaasortaasarluni, ilaatigut avatangiisinut pinngortitamullu, kiisalu aalisarnermut piniarnermullu. Piffissami 2014-2021-mi Naalakkersuisunut Siulittaasuuvoq. Kim Kielsen aamma Inatsisartunut siulittaasooreernikuuvoq piffissami 2022-imi apriilimiit 2023-imi septemberimut.

Kim Kielsen politikkimut isinngikkallarami imarsiortuuvoq politiiullunilu.